XXIV CONCURSO INTERCENTROS DE TROMPOS

Este xoves, 30 de novembro do 2017, unha representación de alumnos viaxamos dende o CEIP de Nantes para participar no XXIV Concurso Intercentros de Trompos que este curso se celebrou no CEIP A Florida.

O concurso estaba dividido en dúas modalidades: "A Escachar" e "Malabarismos". Cada modalidade estaba dividida en tres categorías según a idade dos e das participantes.

Queremos dar os parabéns a todos e a todas as participantes xa que o concurso foi moi emocionante e divertido, con algunhas das categorías moi disputadas xa que ata se tiveron que realizar desempates para resolver as clasificacións finais...

Pasámolo xenial e ata gañamos algún premio...!

Picade na imaxe se queredes ver máis fotografías da xornada!

Comentarios

Publicacións populares deste blog

4ª XORNADA XOGADE (ALEVÍN)

Durante a cuarta xornada de XOGADE, os nenos e as nenas de 3º e 4º curso de primaria descansaron. Pero os de 5º e 6º recibimos a visita este mércores día 25 de abril do alumnado de 6º curso do CEIP E. Barreiro de Vilariño (Cambados). Xogamos ó baloncesto, balonmán, xadrez, fútbol e brilé. Foron encontros moi disputados onte triunfou a deportividade. Moitas gracias pola visita a todos os nenos e as nenas de Vilariño, ata a próxima xornada! Picando nas fotos poderás entrar na galería da xornada.

Ler máis

1ª XORNADA XOGADE (BENXAMÍN)

Hoxe, martes día 23 de xaneiro, os alumnos e alumnas de 3º e 4º curso de primaria visitamos o CEIP Cruceiro para desfrutar da primeira xornada deportiva entre centros deste curso 2017 - 2018. Xogamos a varios deportes como o fútbol, o baloncesto, o xadrez... E ata xogamos unha gran partida de brilé onde participamos todos os xogadores e as xogadoras ó mesmo tempo! Logo dun merecido descanso e unha boa merenda con froita incluída, volvemos ó noso cole coa satisfacción de desfrutar dunha xornada na que o pasamos moi ben e fixemos novos amigos e novas amigas, que era o principal obxectivo! Podedes ver máis fotos da xornada no seguinte enlace ou picando nas seguintes fotografías! FOTOS DA XORNADA.

Ler máis

2ª XORNADA XOGADE (ALEVÍN)

Este martes, día 27 de febreiro do 2018, os alumnos e as alumnas de 5º e 6º curso de primaria visitamos o CEIP As Bizocas (O Grove) para vivir unha nova xornada de deporte escolar. Comezamos xogando ó baloncesto e ó balonmán para logo realizar uns partidos de brilé. Ó rematar, dispuxemos dun pequeno descanso para merendar e repoñer forzas... Despois retomamos a actividade xogando un pouco ó bádminton para rematar cun partido de fútbol e varias partidas de xadrez. Estivo xenial e estamos desexando que chegue a terceira xornada! Picando nas imaxes podes acceder ó álbum de imaxes completo .

Ler máis

Buscar neste blog